Jabetze Eskola
Jabetze Eskolari buruz
Zer da jabetzea?
Ikasketa eta kontzientzia prozesu bat da jabetzea. Munduko emakumeok jasaten dugun bazterkeria eta gutxiespen egoeraz jabetu, eta gizarte egituren aurka egiteko erremintak eskaintzen dizkigu.
Zer da Jabetze Eskola?
Jabetze Eskola ez da ohiko prestakuntza leku bat, hori baino gehiago da. Mugimendu feministak errealitatea izendatzeko asmatutako ezagutzak erreproduzitzen ditu modu kolektibo eta partekatuan. Mundu ikuskera aldatu, eta aldi berean, mundua eraldatzen lagunduko digun bizi esperientzia bat lortzea da helburua.
Espazio hau emakumeon partaidetza eta jabetzea sendotzeko, eta gizarte justuago, anitzago eta osoago bat lortzeko dago pentsatuta.
Bestalde, Jabetze Eskolen helburua da emakumeon arteko sareak sortu eta ikusgarritasuna lortzea, horrela, gure herrietan subjektu aktibo eta parte hartzaileagoak izateko. Izan ere, beharrezkoa da bazterkeria errealitate honi aurre egitea.
Gure arma gure jakituria izango da, hau da, sortzea, gehiago ezagutzea, barre egitea, produzitzea, dantza egitea, gozatzea eta eraldatzea.
Programa
ETXEKO KONPONKETEN IKASTAROA
Etxean ohiko ditugun lanetaz gain, tarteka sortzen zaizkigu beste zenbait behar. Ikastaro honen helburua da, sor daitezken behar horiei aurre egin eta etxean konponketa txikiak egiteko oinarrizko ezagutzak eskuratzea. Tresnak ezagutu eta erabiltzen ikasiko da, beldurrra galdu eta konfidantza hartuz.
- Hasiera: urriak 16
- Astelehenak
- Ordutegia: 17:30-19:30
zoru pelbikoa indartzeko tailerra
Emakumeok, bizitzan zehar, gure zoru pelbikoan eta gure ongizatean eragina duten hainbat egoera bizi ditugu. Honelako ekintza bakoitzeko gure zoru pelbikoa ahuldu egiten da eta behin adin batera iritsita, pixa galtzen da, eta konpresarekin estaltzeko esan digute… hala ere eraginkorragoa da gune horretako giharrak prestatzea. Hori nola egin ikastea eta gure gorputz eta gure osasunarentzat hain garrantzitsua den arlo hau sentitzen, ulertzen eta hobetzen laguntzea da ikastaro honen helburuetako bat.
- Hasiera: urriak 2
- Astearteak, 17:30-19:30
- Ezkioko udaletxean
NOKA
“Hitanoa, hika, toka, noka… inguru honetan galtzen ari diren hizketa moduak dira. Euskaldunok hitanoa konfiantzazko inguruetan erabili izan dugu, baina badirudi hori ere krisian dagoela. Ikastaro honen bidez, konfiantzazko giroa sortu nahi dugu, eta noka hizkera geure egin. Lau saiotan banatuta, hitanoa, hika, toka eta noka zer diren ikasiko dugu. Horrez gain, elkarren artean noka aritzen hasteko oinarrizko ezagutzak barneratuko ditugu”.
- Urriak 3, 10, 17 eta 24
- Astearteak
- Ordutegia: 17:30-19:30
- Urola Garaiko Emakumeen Etxeko Legazpiko lokalean
BESTE URTAROA, KLIMATERIOA
Heldutasunean murgilduta nabil oso, ni neu naizen une garai honetan: ni bakarrik, ni desiratzaile, ni desiratua, ni erlazioan, ni sortzaile, ni etorkizunera begira. Bizitzaren erdia, bigarren erdia, alegia, suposatzen duen etapa honetako propioak diren aldaketak ezagutzea da tailer honen xedea; hauek ulertu hobeto bizitzeko.
- Urriak 21 eta azaroak 4
- Larunbatak
- 10:00-14:00
TXALAPARTA
Txalaparta gertuagotik ezagutu eta instrumentu hau jotzen ikasi nahi duten emakumeei lehenengo urratsak erakustea da ikastaro honen asmoa. Bat-batekotasunak, elkar entzuketak eta komunikazioak musika tresna honetan duten garrantziaz Jabetuko gara. “Joaldi batean norbanakoaren eta kidearen mugak osoki errespetatzeaz arduratzen bagara… elkarren artean sortzen den harremana zaintzen badugu, txalapartak Izana hartzen du”
- Hasiera: urriak 27
- Ostiralak
- Ordutegia: 17:30-19:30
barrez lehertzen, umore tailerra ikuspegi femiistatik
Tailer honetan umorea eta ikuspegi feminista landuko dira. Emakumeak umore hartzaile gisa aztertuko dira, emakumeak umore objektu gisa eta emakumeak umore-sortzaile gisa. Hiru eremu horiek aztertuta, generoak umorean duen eragina ulertu ahal izango dugu.
- Azaroak 17, ostirala (17:30-20:00)
- Azaroak 18, larunbata (10:00-14:00)
EMAKUMEEN ARTEAN, MINBIZIAREN INGURUAN
Minbiziaren prebentzioaz, gaixotasun prozesuaz eta doluaz aritzeko espazioa izango da. Horretarako, kasu praktiko ezberdinak landuko dira eta eman daitezkeen egoeren identifikazioaren bitartez elkarrekin erreflexionatzea izango zen helburua
- Azaroak 23 eta 30
- Ostegunak
- 17:30-19:00
EMAKUMEAK MUGIMENDUAN
Gure dantza eta mugimendu propioak atera ditzagun! Beste emakume batzuekin, bakoitzak nahi duen bezala eta epairik gabe dantza egiteko, elkar ezagutu eta zaintzeko espazio bat da. Ez dago dantzan jakin beharrik eta emakume guztiak izango dire ongi etorriak.
- Hasiera: urriak 13
- Ostiralak
- 09:30-11:00
Jabetze Eskolako Talde Finkoak
Programan azaltzen diren tailerrez gain, Urola Garaiko Jabetze Eskolan, Emakume Talde ezberdinak biltzen gara astero. Talde hauetan parte hartzeko aukera daukazu; are gehiago, zurekin espazio hauek konpartitzeko irrikan gaude. Partaide izateko jarri gurekin harremanetan telefonoz edo posta elektroniko bidez.
EMPALABRAMIENTO ®
“Empalabramiento” gaztelaniazko hitzaren bitartez ahalduntzean datza, parte hartzen duten emakumeentzat gaztelania bigarren (edo hirugarren) hizkuntza izanik. Programa genero-ikuspegia duten materialak egokituz eta emakumeak bizi diren gizarte-testuingurua kontuan hartuz sortu da. Helburu nagusia da zure eskubide eta gaitasunen kontzientzia indibiduala hartzea, baliabideak eskuratzea, influentzia lortzea eta gizartearen parte izatea, eskubide osoko herritar gisa, baldintza berdinetan.
- Astelehenak eta asteazkenak
- Ordutegia: 10:00-12:00
- Urola Garaiko Emakumeen Etxeko Legazpiko lokalean (Saturnino Telleria, 1)
Emakume musulmanen ahalduntzea eta alfabetatzea
Talde honetan, bizitza autonomoa aurrera eramateko tresna linguistiko minimoak ezagutzen ez dituzten emakume musulmanentzako gaztelerazko oinarrizko ezagutza lantzen da. Bestalde, kurtsoan zehar emakume musulmanen ahalduntzerako ikastaro eta hitzaldiak ere egiten dira.
- Astelehenak eta asteazkenak
- Ordutegia: 10:00-12:00
SUA, Emakume migratuen taldea
Sua taldea jatorri eta kultura anitzetatik etorritako Urola Garaiko emakume migratuez osatutako taldea da.
- Astearteak
- Ordutegia: 16:45-17:45
Gure burua maitatuz
Talde honetan gure autoestimua hobetzeko tresnak lantzen ditugu. Gure burua kontutan hartzea ezinbestekoa da. Beti jartzen ditugu besteen arazoak edo nahiak gure osasun eta onuren gainetik. Taldea aholkularitza psikologikoko arduradunak osatzen du.
Zaintzaile emakume taldea
Beti besteak zaintzen ari zara? Zure buruaz baino gehiago arduratzen zara beste pertsonez? Talde honetan, bi orduz, besteak zaintzeari uzten diogu gure buruak zaintzeko.
Envejecer Bonito
Tailer honetan, Urola Gariko emakume helduek, beraien bizi etapetako prozesuak partekatzeko aukera izango dute, taldekako zein banakako boteretzea ikuspegi feminista batetik landuz.
- Astelehena, hamabost egunetik behin.
- Ordutegia: 17:00-19:00
IZEN EMATEA ZABALIK
Informazioa
- Ekintza guztiak doakoak dira
- Egutegia ikasleen arabera kudeatuko da
- Tailerrak Urola Garaiko Emakumeen* Etxean izango dira, Pagoeta Auzoa 1, Urretxu, horrela ez den tailerretan bakoitzaren informazio atalean zehaztuko da
- EZINBESTEKOA DA IZENA EMATEA
- Izena emateko epea ikastaroa hasi baino 2 egun lehenago bukatzen da
Matrikula
Izena ematea hurrengo bideetatik egin daiteke:
- 943.25.23.89
- jabekuntzaeskola@gmail.com
- Ondorengo inprimaki hau beteta: